ريادة الأعمال

إنجازات ديجتاليزر كتابة أحمد سامي

كتب أحمد سامي مؤسس مبادرة ديجتاليزر اليوم على حسابه على فيسبوك عن أهم الإنجازات التي قدمتها المبادرة خلال شهرين على اطلاقها.

بغض النظر عن كل الانجازات الجميلة هناك نقطة مهمة جداً علينا النظر اليها في كل مرة نتحدث عن هذه المبادرة وهي “المتابعة” التي يقوم بها احمد سامي والمشاركون معه ولولا هذه المتابعة لما وصلت المبادرة إلى ما هي عليه اليوم. 

ديجتاليزر الحلم اصبح حقيقة

 

النهاردة 6 مارس, شهرين عدوا على البوست ده اللي بدأت منه كل الحكاية:
http://goo.gl/dpRboh

خلال شهرين فاتوا, قدرنا نعمل حاجات كتير تفوق التخيل لما تقعد تفكر فيها..

6 يناير 2015 = البوست الأولاني إياه. الفكرة مجرد أمنية وبوست على فيسبوك.
10 يناير 2015 = الأمنية بقى ليها خطة مقترحة وآلية لتنفيذها وخطوات مرسومة.
13 يناير 2015 = أول هانج أوت بث مباشر بتكلم فيها عن الفكرة وبوضح الخطة وآلية التنفيذ.
14 يناير 2015 = إنضمام الشركات والمؤسسات لدعم الفكرة وتوفير القاعات مجاناً.
15 يناير 2015 = أول سوفت لونش يتعمل على الأرض تحت مسمى #ديجتاليزر .
15 يناير 2015 = أول خبر صحفي ينزل عن فكرة #ديجتاليزر .
16 يناير 2015 = وضع السياسات العامة والقواعد الأساسية اللي بتحكم علاقتنا سوا.
17 يناير 2015 = بداية نشر ثقافة السيلف ليرننج وإنك تبحث وتقرا وتتعلم بنفسك.
17 يناير 2015 = أول ظهور تليفزيوني لفكرة #ديجتاليزر .
18 يناير 2015 = أول فيديو يتعمل لتوضيح الفكرة بالتفصيل.
18 يناير 2015 = أول بوست ينزل في صفحة كبيرة على فيسبوك لدعم الفكرة.
19 يناير 2015 = أول خبر ينزل في جريدة مصرية عن الفكرة.
20 يناير 2015 = التحضير لتوفير فرص تدريب عملي للشباب داخل الشركات.
22 يناير 2015 = الهانج أوت التانية عن يعني إيه ديجتال إندستري وتعريف بمجالاتها وتفرعاتها
26 يناير 2015 = The Greek Campus يدعم الدفعة الأولى من #ديجتاليزر بتوفير القاعات.
28 يناير 2015 = الهانج أوت التالتة عن سوق العمل في الديجتال إندستري والهيكل الوظيفي
31 يناير 2015 = الإعلان الأول عن تصفية المتقدمين وتقسيم الكتايب لجيش #ديجتاليزر
2 فبراير 2015 = وضع التخيل المبدأي للبرامج التدريبية وورش العمل اللي هنشتغل عليها.
4 فبراير 2015 = بداية الترتيب للإنطلاق على الأرض.
7 فبراير 2015 = أول هانج أوت لفكرة تلقي الأسئلة من المهتمين بالفكرة والإجابات مباشرة.
8 فبراير 2015 = Noor ADSL تدعم الفكرة بتوفير الإنترنت المطلوب لورش عمل الدفعة الأولى.
10 فبراير 2015 = مراجعة التظلمات والتصفية التانية للمتقدمين وتقسيمات الكتايب.
11 فبراير 2015 = إرسال إيميلات التأكيد للناس اللي هتحضر معانا الخطوة الأولى.
14 فبراير 2015 = الخطوة الأولى على الأرض يوم الفلانتاين
16 فبراير 2015 = نشر الفورم الخاص بالرغبات بناءاً على البرامج التدريبية.
19 فبراير 2015 = أول ورشة عمل متخصصة للمحترفين عن الأونلاين براندينج.
19 فبراير 2015 = إعلان مواعيد وتواريخ وتفاصيل برامج ورش العمل خلال ال6 اسابيع.
20 فبراير 2015 = سوفت لونش أول ورشتين عمل عن اساسيات الماركتنج والSEO
21 فبراير 2015 = نشر الجدول الكامل ل 36 ورشة عمل بالتفصيل خلال ال 6 اسابيع.
21 فبراير 2015 = إرسال الإيميلات النهائية للدفعة الأولى وتقسيمهم على البرامج التدريبية.
22 فبراير 2015 = هانج أوت لشرح بالتفصيل إزاي تمشي طريقك في الديجتال إندستري.
22 فبراير 2015 = عمل الجروبات الخاصة بمشاركة التعلم والأسئلة والتفاصيل لكل تخصص.
23 فبراير 2015 = بداية تنفيذ برامج ورش العمل الكاملة ( 36 ورشة عمل ) خلال ( 6 اسابيع ) بمعدل ( 3 ايام اسبوعياً ) كل يوم ورشتين عمل بمعدل ( 3 ساعات ) لكل ورشة.
26 فبراير 2015 = أول هانج أوت ورشة عمل أونلاين, وبعدها اتعمل 3 ورش عمل تانين اونلاين

– حضر معانا الخطوة الأولى على الأرض 530 شخص بالتمام والكمال.
– حضر معانا ورشة العمل الخاصة بالأونلاين براندينج 125 شخص.
– بيحضر معانا البرامج التدريبية الكاملة لمدة 6 اسابيع كاملين حوالي 260 شخص.
– بيتعلم معانا أونلاين من خلال الجروبات المتخصصة أو الهانج أوت أكتر من 500 شخص تانيين.

— هاشتاج #ديجتاليزر إتكتب عليه حوالي 7652 بوست على مختلف الشبكات الإجتماعية من حوالي 4685 شخص متفاعل لحد لحظة كتابة البوست ده.
— البوستات اللي بيتكتب فيها هاشتاج #ديجتاليزر بتوصل لحوالي 48 ألف شخص أسبوعياً, وبتحقق حوالي 112 ألف مرة ظهور أسبوعياً, بإجمالي حوالي مليون و 600 ألف مرة ظهور على الشبكات الإجتماعية المختلفة خلال الشهرين اللي فاتوا.
— في حوالي 6800 نتيجة بحث على جوجل بكلمة ( ديجتاليزر )

ولسه باقيلنا حاجات أكتر نوصلها سوا, عشان نحقق معجزة بدأت بأمنية بسيطة في بوست على فيسبوك, صدقناها وبدأنا نتحرك عشان نحققها 🙂

دلوقتي, وبعد البوست الطويل قوي ده والكلام الكتير اللي فيه.. إختار حاجة من دول تعملهم:

1- لو إنتا مؤسسة أو شخص حابب تساعدنا وتدعمنا بأي طريقة كانت دوس على اللينك ده:
http://goo.gl/Mh2ybZ

2- لو لسه ما تعرفناش وعاوز تتعرف أو عاوز تنضم لجيش #ديجتاليزر إمشي على الخطوتين دول ونفذ اللي فيهم:
http://goo.gl/tpWXe0
ثم http://goo.gl/YJVofq

3- لو إنتا من جيش #ديجتاليزر أو كنت من الناس اللي بتتابعنا خلال الفترة اللي فاتت:
إكتب بوست بابليك عندك على فيسبوك, أو تويتة على تويتر, أو فيديو على إنستجرام مع هاشتاج #ديجتاليزر
وإحكيلنا قصتك بتفاصيل اللي اتعلمته أو تجربتك أو شارك مع باقي الناس آرائك ومقترحاتك عن كل حاجة حصلت وبتحصل وهتحصل خلال الفترة اللي فاتت والحالية واللي جاية

4- لو قريت البوست ده ومصدقنا, شيير وشارك في نشر الفكرة وساعدنا على تحقيق المعجزة

5- خليك فاكر, المعجزات بتتحقق لما بنصدق

 

تم أخذ هذا التحديث من صفحة أحمد سامي من دون اي تعديل.

‫5 تعليقات

  1. شكراً يا جماعة على الدعم – كعادتكم – لينا ونشر المعلومات عن فكرة #ديجتاليزر

    ربنا يجعلنا سبب للخير 🙂

    تقبلوا فائق التحية والإحترام

  2. المبادر رائعة وانا من اول المتابعين لها واتمنى ان تنتشر مثل هكذا فعاليات لتطال جميع الدول العربية.

  3. بالرغم من ان المبادرة ليست بلغتي ولكن كانت الفائدة كبيرة من المواد التي تمت مشاركتها على الهاشتاق الخاص بها

    عن نفسي اتمتنى ان تحدث هذه المبادرة في بلدي المغرب لأننا بحاجة ماسة لها

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *